Mbrojtësi i njohur kosovar, Arbër Prekazi është larguar nga skuadra e Feronikelit 74′.
Në një postim në rrjetet sociale, Prekazi ka konfirmuar largimin larguar nga Feronikeli 74’, pas vetëm gjashtë muajsh pasi u transferua tek skuadra nga Drenasi.
Për Prekazin kanë shprehur interesim disa skuadra kosovare, teksa oferta më konkrete në drejtim të tij është ajo e Prishtinës së Re.
“Sot me marëveshje të dyanshme po ndahem me FC Feronikelin , ky nuk ishte një vendim i lehtë, por ndonjëherë gjërat nuk shkojnë ashtu siç i planifikojmë ne. “Vetëm Zoti e di të ardhmen.” !
Në këtë klub erdha për sfidën , për ta çuar Feronikelin aty ku e ka vendin. Por po largohem duke e lënë ekipin në vendin e dytë, vend që direkt dërgon në Superligën e Kosovës , pas një rrugëtimi plot sakrificë , djersë e punë të ndershme.
Jam mirënjohës për çdo lojtar, trajner, anëtar të stafit dhe për kryesinë , për gjithë respektin, bashkëpunimin dhe ambientin pozitiv që kemi ndërtuar bashk.
Edhe dy jetë po t’i kisha, nuk do ta zhbëja kurrë vendimin për të qenë pjesë e këtij klubi të madh”, ka shkruar Prekazi në Facebook.
