Arabia Saudite ka njoftuar të shtunën se do të ofrojë afër 368 milionë dollarë ndihmë ekonomike për qeverinë e Jemenit të udhëhequr nga Kryetari i Këshillit të Lidershipit Presidencial, Rashad al-Alimi, në një përpjekje për të lehtësuar krizën ekonomike që po thellohet në atë vend.
Ministria e Jashtme Saudite tha se në kuadër të Programit të Zhvillimit dhe Rindërtimit të Jemenit, rreth 368 milionë dollarë do të ndahen si mbështetje e re për zhvillimin ekonomik.
Aty shpjegohej se vendimi u mor me udhëzimet e Mbretit Salman bin Abdulaziz dhe rekomandimin e Princit të Kurorës Mohammed bin Salman, duke përmendur kushtet e përkeqësuara ekonomike të Jemenit, shkruan Anadolu.
Ndihma i përgjigjet një thirrjeje nga Al-Alimi dhe është pjesë e mbështetjes së Arabisë Saudite për qeverinë e njohur ndërkombëtarisht të Jemenit.
Fondet do të drejtohen drejt sektorëve kyç, duke përfshirë kujdesin shëndetësor, buxhetin qeveritar dhe furnizimet me karburant, për të ndihmuar në stabilizimin e shërbimeve kritike në vendin e shkatërruar nga lufta.
