Arabia Saudite ka dënuar me ashpërsinë më të madhe sulmet e Iranit ndaj kryeqytetit të saj, Riadit, dhe rajonit lindor, të cilat sipas saj u interceptuan me sukses.
Ministria e Jashtme Saudite tha në një deklaratë të dielën se sulmet ndodhën “pavarësisht dijenisë së autoriteteve iraniane se Mbretëria kishte pohuar se nuk do të lejonte që hapësira ajrore ose territori i saj të përdoret për të synuar Iranin”.
Ajo ka njoftuar poashtu se ka thirrur ambasadorin iranian të dielën, një ditë pasi mbretëria akuzoi Teheranin se kishte shënjestruar territorin e saj me sulme ajrore.
“Ministria e Jashtme thërret ambasadorin iranian në Mbretëri në përgjigje të sulmeve të paturpshme të Iranit që synuan Mbretërinë dhe një numër vendesh vëllazërore”, tha ministria në një deklaratë për X./teve1.info/
