Apple humbi 250 milionë dollarë vlerë tregu ditën e Enjte ndërsa aksionet ranë me 8.5 përqind si rezultat i tarifave tregtare vendosur nga presidenti Amerikan Donald Trump.
Prodhuesi i iPhone ishte një prej më të goditurve në Wall Street ndërsa aksionet e teknologjike u zhytën. Tesla, Nvidia dhe Meta ranë me 6 përqind ndërsa Amazon me 7.2 përqind.
Ditën e Mërkure presidenti Amerikan Donald Trump zbuloi tarifa të reja për 180 vende të botës duke aplikuar një tarifë bazë 10 përqind ndërsa për disa vende si Kina shkonin deri në 54 përqind.
Këto tarifa do të hyjnë në fuqi më 5 Prill. Analistët thonë se tarifat tregtare janë skenari më i keq i mundshëm për investitorët e teknologjisë.
Por Shtëpia e Bardhë këmbëngul se tarifat nuk janë një taktikë negocimi, por një domosdoshmëri për të rritur prodhimin vendas. Presidenti i quajti ato një lëvizje për të “çliruar” ekonominë Amerikane.
Tarifat e larta të Trump për sendet e importuara në SHBA do të prekin padyshim furnizuesit më të mëdhenj të Apple dhe qendrat e prodhimit nga Azia në Kinë, në Tajvan, Indi dhe Vietnam. Çdo produkt nga iPhone, tek iPad, Mac dhe aksesorë që Apple shet do të preken.
Ekzekutivi i kompanisë ka dy rrugë, ose të rrisë çmimet kosto e cila do të kalohet tek konsumatori, ose t’ia kalojë këto kosto kompanisë duke eliminuar mbase miliarda dollarë fitime potenciale. /PCWorld Albanian
