Administrata Tatimore e Kosovës (ATK) ka bërë të ditur se se aplikimi i shkallëve të reja për tatimin në të ardhurat personale do të fillojë nga periudha e muajit gusht.
Kjo për shkak të tatimit të ndryshuar, në pagat e shtatorit të cilat do të dalin 6.8 euro më shumë për të gjithë të punësuarit.
Ditë më parë, hyri në fuqi Ligji për pagën minimale prej 250 eurosh, para se ajo të rritej në 350 me vendim të Qeverisë të mërkurën.
Në një njoftim ATK-ja ka bërë të ditur se aplikimi i shkallëve të reja për tatimin në të ardhura do të nisë nga periudha e gushtit.
“Deklarimi dhe pagesa e tatimit në paga për pagat e muajit gusht 2024 do të kalkulohet sipas shkallëve të reja tatimore të përcaktuara me Ligjin Nr. 08/L-142”, thuhet në njoftim. /teve1.info/
