Aplikimi i Kosovës për anëtarësim në Këshillin e Evropës do të jetë të hënën në agjendën e Komitetit të Ministrave.
Kjo është bërë e ditur në agjendën e publikuar të Komitetit të Ministrave, që gjendet në faqen zyrtare të Këshillit të Evropës.
Këtë e ka paralajmëruar edhe këshilltarja e presidentes së Kosovës, Vjosa Osmani, Rejhan Vuniqi.
“Aplikimi i Kosovës për anëtarësim në Këshill të Evropës është në agjendë të takimit të Komitetit të Ministrave. Shpresojmë për zhvillime pozitive në këtë hap të rëndësishëm drejt integrimit evropian”, ka shkruar Vuniqi në Twitter.
Kosova aplikoi zyrtarisht më 12 maj të vitit të kaluar.
Kryeministri i Kosovës, Albin Kurti ditë më parë ka thënë se Kosova ka siguruar votat për anëtarësim në këtë organizatë.
Kosovo's application for Council of Europe membership is on the agenda for Monday's Committee of Ministers meeting. Let's hope for positive developments in this important step towards European integration. 🇽🇰❤️🇪🇺#Kosovo #CouncilofEurope #CoE #EuropeanIntegration pic.twitter.com/qzjv8PVcGH
— Rejhan Vuniqi (@RejhanVuniqi) April 23, 2023
