Ministria e Arsimit, Shkencës, Teknologjisë dhe Inovacionit, ka njoftuar se është anuluar vendimi për zgjedhjen e Drejtorit të Institutit Albanologjik të Kosovës.
Në komunikatë është bërë e ditur se vendimi është marrë për shkak të shkeljeve ligjore gjatë procesit zgjedhor.
“Ministria e Arsimit, Shkencës, Teknologjisë dhe Inovacionit në bazë të kompetencave të saj, ka për obligim të sigurojë respektimin e legjislacionit në fuqi. Në këtë linjë, për shkak të shkeljeve të dispozitave ligjore gjatë procesit të zgjedhjes, kemi anuluar vendimin për zgjedhjen e Drejtorit të Institutit Albanologjik të Kosovës. Këshilli Drejtues obligohet që, pa vonesë, të ndërmarrë të gjitha veprimet e nevojshme për caktimin e ushtruesit të detyrës dhe shpalljen e konkursit”, thuhet në komunikatë./teve1.info/
