Qendrat e mjekësisë familjare në Komunën e Fushë Kosovës tash e sa kohë kanë një kërkesë.
Këto institucione shëndetësore kanë nevojë për servisimin e të gjitha pajisjeve dhe aparaturave mjekësore.
Andaj për këtë gjatë muajit prill u hap një tender, ku u lajmërua një operator.
Por, gjatë javës së kaluar tenderi u anulua, derisa nga Qendra kryesore e Mjekësisë Familjare në këtë komunë përmes një përgjigjje elektronike thonë se mirëmbajtja e pajisjeve ka ndikim në procesin e punës.
Megjithatë, Ali Topalli zëdhënës në Komunën e Fushë Kosovës tha se tenderi u anulua meqë oferta ishte e papërgjegjshme.
Derisa thekson se do bëhet ritenderimi pas skadimit të ankesave.
“Ne si autoritet kontraktues kemi pranuar vetëm një ofertë, e cila ishte ofertë e papërgjegjshme andaj jemi detyru që këtë aktivitet të prokurorimit ta ritenderojmë kuptohet së ritenderimi do të bëhet pas afatit të skadimit gjithqka do të bëhet në bazë të formave të ligjit të prokurorimit, pra ky operator që ishte nuk ka vazhdu me punu me servisimin e pajisjeve dhe aparaturave mjekësore. Të gjitha pajisjet brenda Qkmf-së janë që operatori u desht të u përmbahet servisimit, tash skadon afati i ankesave mbas dhjetë ditësh”, thotë Topalli.
E me shërbimet në qendrën mjekësore familjare në Fushë Kosovë u shprehën të kënaqur disa qytetarë.
Në këtë tender ishin të përfshira të gjitha pajisjet dhe aparaturat mjekësore.
Kronika e realizuar nga gazetarja Lendrina Kodrolli
