Shkelja në njoftimin për kontratë dhe dosjen e tenderit, është arsyeja për anulimin e një tenderi në kuadër të Ministrisë së Mbrojtjes.
Kjo pas një kërkese për rishqyrtim nga njëri prej operatorëve ekonomik për të fituar tenderin.
Më këtë tender pjesëtarët e Forcave të Sigurisë së Kosovës për gjithë vitin 2023, do të ishin të pajisur me veshjet adekuate për kushte të ndryshme atmosferike.
Vlera e këtij tenderi ishte parashikuar të jetë 5 milionë euro.
“Ministria e Mbrojtjes si Autoritet Kontraktues, përmes kësaj shkrese ju njofton se bënë pezullimin e aktivitetit të prokurimit për projektin ritender “Furnizim me uniforma kamuflazh dhe uniforma rezistente ndaj ujit dhe erës”, për nevoja të FSK-së”, thuhet nw njoftim.
Sipas njohësit të sigurisë, Bedri Elezi, mospajisja me këto veshje paraqet sfidë për kryerjen e detyrave.
Bazuar në llojin e këtyre uniformave, janë të specifikuara edhe veçoritë që ato duhet t’i kenë për t’i përmbushur qëllmet e përdorimit të këtyre uniformave.
“Me qëllim të arritjes së mbrojtjes ndaj elementeve të natyrës, siç janë era, shiu, apo bora, disa pjesë të jashtme të uniformës (Xhaketë e durueshme ndaj ujit, pantallona të durueshme ndaj ujit, Xhaketë e brendshme rezistente ndaj erës) duhet të prodhohen nga material funksional, me membranë, të cilët sigurojnë qëndrueshmërinë ndaj ujit dhe ajrosjen, por, gjithashtu, ofrojnë nxehtësi, në të njëjtën kohë”, tha Elezaj.
Në procedura të ritenderimit janë edhe furnizimet me lloje tjera të uniformave dhe pajisjeve për FSK-në.
Kronika e gazetares Florijeta Dernjani.
