Përderisa një pjesë e Kalifornisë po digjet nga zjarret, shumë shkolla dhe ndërtesa që nga Teksasi dhe Gjeorgjia janë mbyllur të enjten dhe shumë të tjera pritet të mbyllen si pasojë e shiut dhe borës në pjesën më të madhe të SHBA-s Jugore ku temperaturat e ulëta rrezikojnë të çrregullojnë udhëtimet.
Shkollat e Teksasit kanë anuluar klasat për më shumë se 1 milionë student për shkak të kushteve të rrezikshme që mund të zgjasin deri të premten.
Në zonën e Dallas-it, ekuipazhet trajtuan rrugët para arritjes së dëborës që pritej të arrinte rreth 5 deri në 10 centimetra të enjtën. Deri në 12.7 centimetra pritej më në veri, afër Oklahomës, sipas Shërbimit Kombëtar të Motit.
Guvernatori Greg Abbott tha se shteti ka dërguar ekuipazhe emergjente përpara dhe i bëri thirrje banorëve të shmangin udhëtimin në mot të keq nëse është e mundur.
Një përzierje e borës, shiut të ngrirë dhe akullit pritej në një shtrirje nga Nju Meksiko në Alabama. Parashikuesit e motit thanë se sasia më e madhe pritej të ishte në disa pjesë të Arkansas, Luisiana, Misisipi, Oklahoma dhe Teksas.
