Vëllaznimi po vazhdon të jetë në top formë, ku në këtë xhiro fitoi ndaj Proton Cable Prizrenit.
Të dy basketbollistët më të mirë te vendasit ishin Antwan Walker dhe Jericole Hellems. Walker kishte 22 pikë, tetë kërcime dhe një asistim, duke pasur indeksin 32, apo më të lartin në këtë xhiro, duke u shpallur MVP. Ndërkohë, Hellems kishte 18 pikë, 10 kërcime dhe tri asistime duke hyr në 5-shen e javës.
Bashkimi fitoi ndaj Borës, derisa më i dalluari ishte Jayveous Mckinnis me 14 pikë, shtatë kërcime dhe tri asistime, që po ashtu hyri në këtë listë.
Sigal Prishtina fitoi derbin e kësaj xhiro ndaj Trepçës në Mitrovicë, në një sfidë dramatike. Te bardhekaltrit më i miri ishte Tyrrel Tate me 24 pikë, një kërcim dhe dy asistime.
Golden Eagle Ylli shënoi fitore ndaj Pejës, duke u rikthyer te fitoret, ku te therandasit më i miri ishte Lis Shoshi me nëntë pikë, tetë kërcime dhe një asistim, që është basketbollisti i vetëm vendor në 5-shen e javës.
