Anglia e ka mposhtur për herë të dytë Italinë në kualifikimet për Euro 2024.
Pas fitores 2:1 më 23 mars në Napoli, Anglia të martën mbrëma në “Wembley” fitoi me rezultatin 3:1.
Italianët kaluan në epërsi në minutën 15-të me golin e Gianluca Scamaccas. Në minutën e 32-të, Harry Kane realizoi penallti për të barazuar rezultatin në 1:1. Me këtë rezultat përfundoi pjesa e parë.
Marcus Rashford shënoi me asistim të Jude Bellingham në minutën e 57-të për rezultatin 2:1. Ndërkohë kapiteni Kane realizoi për 3:1 në minutën e 77-të.
Anglia udhëheq në Grupin C me 16 pikë nga gjashtë ndeshje. Italia bie në vendin e tretë me 10 pikë, po ashtu nga gjashtë ndeshje.
Në vendin e dytë doli Ukraina me 13 pikë nga shtatë ndeshje. Italia fitoi 3:1 ndaj Maltës, që është e fundit, pa pikë.
Më 17 nëntor Italia e pret Maqedoninë e Veriut kurse Anglia e pret Maltën. Ndërsa më 20 nëntor, Anglia luan në Shkup ndaj Maqedonisë së Veriut, derisa Ukraina e Italia zhvillojnë ndeshje vendimtare në Leverkusen të Gjermanisë.
