Sot, në mbrëmje vendoset gara në Grupin C të Kampionatit Evropian që po mbahet në Gjermani.
Prej ores 21:00 në Koln takohen Anglia e Sllovenia, ndërsa në Munchen është ndeshja mes Danimarkës dhe Serbisë.
Grupi ende është plotësisht i hapur edhe pse Anglia ka siguruar kalimin në fazën nokaut para xhiros së fundit të fazës grupore.
Anglia i ka 4 pikë, dy më shumë se Danimarka e Sllovenia që po synojnë kalimin në fazën tjetër, ndërsa Serbia është e fundit në grup me vetëm një pikë. Përkundër kualifikimit, Anglinë nuk e pret aspak një ndeshje e lehtë me Slloveninë, e cila në dy ndeshjet e para të grupit tregoi paraqitje të mira.
Si me Danimarkën ashtu edhe me Serbinë, Sllovenia luajti me rezultatin 1:1. Dy barazime në këtë grup i ka edhe Danimarka, e cila 1:1 luajti edhe kundër Anglisë dhe tani ndaj Serbisë synon fitoren e parë në Evropian dhe avancimin në fazën nokaut.
Në ditën e 12-të të “Euro 2024” do të luhen katër ndeshje, me dy që tashmë kanë nisur në orën 18:00. Këto janë ndeshjet e fundit të Grupit C, të cilin e përbëjnë Holanda, Franca, Austria dhe Polonia. Polonia tashmë është eliminuar nga Evropiani pasi i ka humbur dy ndeshjet e para, duelin e fundit në grup po e luan me Francën që ka katër pikë. Katër pikë në këtë grup i ka edhe Holanda, e cila po përballet me Austrinë që është e treta në grup me tri pikë të mbledhura.
