I ftuar në emisionin “Ditari” në Tëvë1, ai thotë se edhe pas këtyre veprimeve nuk do të ketë rikthim në greva sepse nxënësit kanë humbur mjaftueshëm.
“Nuk besoj që do të hyjmë prapë në grevë sepse është në pyetje nxënësi, boll ka humbë qenia më e pafajshme e mundshme edhe nuk i dhimbset askujt, po e lëm prindërin anash, sesa më fortë se mësimdhënësi… Të qëndrosh në shkollë, kur nuk ka nxënës e shkolla është ambient i gjallë është vdekje me qëndru aty kurse është ambient i nxënësve e kur s’ka aty nxënës është shumë e vështirë”, tha ai.
Tutje, Nimani bëri të ditur se për veprimet e radhës sindikale do të marrin mendimin e anëtarësië, nga të cilët thotë se çdo ditë marrin kërkesa për të ditur se pse nuk janë ekzekutuar pagat.
“Nuk muj me parashiku asnjë send, kërkesa kemi shumë se çka o ka bëhet me paga nëse s’ka mund të marrim edhe ndonjë veprim që kemi fillu me kërkesën e anëtarësisë e kemi çu një propozim te anëtarësia edhe pse Këshilli i merr të gjitha kompetencat, kemi mundur që vetëm t’u drejtohemi BSPK-së me atë njoftim që të bëhet diçka dhe të pezullohet greva pa e pyetur anëtarësinë, por kemi dashtë kemi marrë veprimet në bashkëpunim me ta edhe në fund kemi marrë përgjigjen. Duhet të ketë kërkesë edhe duhet të propozojë anëtarësia se çka më tutje… Sigurisht se do të diskutohet dhe si do të veprohet”, tha ai.
Sipas tij, fatkeqësia më e madhe nga mosekzekutimi i pagave është se shumica e mësimdhënësve e kanë atë si burim kryesor të të ardhurave për familjen.
Ai u shpreh optimist se Qeveria do të reflektojë deri më 5 tetor dhe do të ekzekutojë pagat për grevistët.
“Pagat nuk janë ekzekutu fatkeqësisht se fatkeqësia më e madhe është se një pjesë e madhe e mësimdhënësve s’kanë burim tjetër të të ardhurave aty do të jetë pengesa dhe dëmi më i madh i mundshëm. Se çka më tutje nuk e dimë uroj të shfrytëzojë afatet ligjore Qeveria deri më 5 tetor t’i ekzekutojë pagat”, shtoi ai./teve1.info/
