Në një lidhje direkte në emisionin “Ditari” në Tëvë 1, Andoni këtë hap e cilëson si të mirë edhe për Kosovën.
“Në lidhje me këtë cak të ri për hir të vërtetës për dy vendet është hap i madh. Mendoj që çdo gjë e mirë për Shqëipërinë ka inerci për Kosovën nëse politikanët e vendeve tona janë kompatibël por në këtë moment që po flasim dhe me këtë arsyetoj këtë heshtje që është në Tiranë”, tha ai.
Ai hedhi kritika ndaj opozitës në Shqipëri sa i përket heshtjes së deritanishme lidhur me këtë hap në procesin e integrimit të vendit, duke treguar edhe arsyet për këtë.
“Jo është sa i përket asaj propagande, zhurme ku dy palët politike zakonisht ia atribuojnë vetes së tyre këtë cak të integrimit. Në fakt çdo gjë që është bërë për integrimin në çdo hap të Shqipërisë e Maqedonisë së Veriut e vendeve tjera ballkanike mendoj që e para nuk ka qenë fryt i politikanëve por i popujve në sensin që janë popujt që përpiqen, kuptohet që politikanët i drejtojnë por janë njerëzit që mundohen të integrojnë atë”, shtoi ai.
Madje, opinionisti tregoi edhe disa nga “kapitujt më të vështirë” të Shqipërisë në rrugën drejt anëtarësimit në BE.
“Absolutisht nuk mendoj që nuk është vetëm korrupsioni mendoj që ka probleme pa fund për financat. Dua të ju them diçka se do ju duket pak si e tejkaluar ose si futuriste, Shqipëria do të ketë edhe me kapitullin që do të ketë me mjedisin për shkak të sfidave që kanë në vendin tonë zonat e mbrojtura por ajo që ka lidhje me korrupsionin besoj do të jenë më të vështirat sepse nëse deri në këtë hap BE vlerëson në krijimin e institucioneve, tash do të kërkojë jo krijimin e institucioneve por impaktin e tyre”, tha Andoni.
Sipas tij, periudha prej një viti e gjysmë është e pamjaftueshme që Shqipëria dhe Maqedonia e Veriut të kenë progres në këtë drejtim./teve1.info/
