Ardon Jashari e ka fituar garën me Andi Zeqirin për të qenë pjesë e listës finale të Zvicrës për Evropian.
Trajneri Murat Yakin të premten e ka publikuar listën përfundimtare për “Euro 2024”, në të cilën ka përfshirë tre shqiptarë.
Veç Jasharit, në Evropian do të jenë edhe Granit Xhaka e Xherdan Shaqiri.
Mesfushori i ri i Club Brugge, Jashari, ishte në balotazh me Zeqirin për një vend në garën e rëndësishme për kombëtaret.
Zvicra është në Grupin A së bashku me nikoqiren Gjermaninë, Skocinë e Hungarinë.
Evropiani nis më 14 qershor.
