Carlo Ancelotti ka konfirmuar se në fund të këtij sezoni do të largohet nga Real Madridi për të marrë drejtimin e Kombëtares së Brazilit.
Në konferencën e mbajtur për shtyp të martën para duelit që Reali e luan me Mallorcan, të mërkurën, Ancelotti ka zbuluar shumë detaje.
Ai ka thënë se prej datës 26 maj do të jetë selektor i Brazilit, ndërsa deri atëherë do ta udhëheq skuadrën e Real Madridit.
Tekniku italian ka shtuar se është i fokusuar ta mbyll sezonin me Realin në mënyrën më të mirë të mundshme, ndërsa ka thënë se është plotësisht gati për ta drejtuar Brazilian.
Ancelotti ka thënë se ndihet krenar që ka qenë trajner i Real Madridit dhe se periudhën e kaluar në klubin spanjoll nuk do ta harroj kurrë.
Ai ka falënderuar drejtuesit e Realit, lojtarët dhe tifozët për përkrahjen e madhe që i kanë dhënë gjatë kësaj kohe dhe ka pranuar se synimi i tij këtë sezon ishte triumfi në Ligën e Kampionëve dhe La Liga.
Pas largimit të Ancelottit nga Reali, vendin e tij në klub pritet ta zë Xabi Alonso që me klubin spanjoll do të firmos kontratë trevjeçare.
