Trajneri Carlo Ancelotti është plotësisht i gatshëm të largohet nga Real Madridi nëse drejtuesit e klubit ia kërkojnë një gjë të tillë.
Tekniku italian ka folur për të ardhmen e tij pas eliminimit të Realit nga Arsenali në çerekfinale të Ligës së Kampionëve.
Reali pas dy ndeshjeve të luajtura kundër Arsenalit u mposht me rezultatin e përgjithshëm 5:1.
“Ne jemi ende në lojë për të fituar La Ligën, Kupën e Mbretit dhe Kupën e Botës për Klube. Nuk mund të flas tani nëse do ta drejtoj Realin në Kupën e Botës. Nëse klubi vendos të më zëvendësojë, nuk ka asnjë problem. Unë do ta falënderoj. Nuk e di dhe nuk dua ta di”, u shpreh Ancelotti.
Ancelotti ka kontratë me Realin deri në verën e vitit të ardhshëm.
