Carlo Ancelotti ka folur për disa tema kryesore gjatë konferencës së tij për shtyp para ndeshjes së Real Madridit në La Liga kundër Valladolidit, teksa trajtoi thashethemet e vazhdueshme për të ardhmen e Vinicius Junior.
Kur u pyet për ofertën e raportuar prej 350 milionë eurosh të Arabisë Saudite për Vinicius, Ancelotti hodhi poshtë spekulimet.
“Ajo që di me siguri, pasi kam informacione të drejtpërdrejta, është se ai është shumë i lumtur këtu. Dhe se ai dëshiron të bëjë histori këtu. Të gjithë jemi në këtë linjë”, ka thënë fillimisht Ancelotti.
Duke diskutuar mentalitetin e lojtarit, Ancelotti nuk hezitoi ta lëvdoj lojtarin.
“Ai është i njëjti si gjithmonë. Të mos luajë nesër do të jetë mirë që ai të rikuperohet, të punojë me qetësi. Ai do të përfitojë sa më shumë nga këto ditë. Dhe ai do të jetë i freskët në momentin kyç”.
Ancelotti foli gjithashtu për pretendimet se Real Madrid mund të ketë sukses pa Vinicius.
“Mendoj se ata kanë harruar që ne kemi fituar tashmë dy tituj të Ligës së Kampionëve me të. Ky është mendimi im. Ai është një lojtar i padiskutueshëm, pa dyshim”.
Kur u pyet nëse ai mund ta kuptonte nëse Vinicius e konsideronte ofertën saudite, trajneri u përgjigj: “Duhet ta pyesni atë. Mund të them atë që shoh: një lojtar i lumtur, që po bën histori dhe që dëshiron të vazhdojë”.
