“Në momentin që gjendemi, Kosovën nuk e penalizon askush me pezullim të vizave”, deklaroi analisti nga Shqipëria, Ben Andoni.
Prandaj, Andon e quajti të nxituar deklaratën e presidentit francez, Emmanuel Macron, sa i përket kërcënimit për vizat e Kosovës, teksa shtoi që ardhja e tij kishte një shkas.
“Deklarata e Macron ka qenë pak e nxituar, e kjo në sensin e momentit që po jetojmë. Më duket që është fryrë shumë i tërë procesi, sidomos nga palët kundërshtare në Tiranë. Ne momentin ku jemi, Kosovën nuk e penalizon askush me pezullimin e vizave, sepse është një proces që Kosova e ka merituar, përveç kësaj, ka bërë disa sakrifica. Më vjen keq që kjo në Tiranë shikohet në mënyrë sipërfaqësore. Ardhja e Macron ka qenë një cak. Është shqetësuese mos dakordanca e pikave kryesore të Bashkimit Evropian, përfshirë këtu Komisionin Evropian, Këshillin Evropian dhe Komisionerin e Zgjerimit”, vlerësoi Andoni në emisioin “Këndi i Debatit”.
Po ashtu, analisti nga Shqipëria, pretendoi që Kosova do ketë vështirësi të vazhdueshme, për aq kohë sa ka qëndrime të kundërta nga pikat kryesore të Bashkimit Evropian.
“Pak ditë më herët, sa i përket problemit të Gazës, qëndrimet e tyre të kundërta, na kanë bërë të mendojmë që edhe për Kosovën do të ketë jashtëzakonisht vështirësi, derisa këta e mbyllin mandatin e tyre”, shtoi tutje Andon në Tëvë1.
Më tej, ky i fundit tha se Shqipëria në një farë mënyre po përfiton nga mos konfliktet me fqinjët e saj./teve1.info/.
