Duke komentuar rreshtimin e Shqipërisë përkrah perëndimit lidhur me sanksionet ndaj Rusisë, Koka ka thënë se në linjë të përgjithshëm Shqipëria është në krahun e duhur të historisë. Por, ka kritikuar projektin “ Ballkani i Hapur”.
“Ajo që Shqipëria duhej të kishte bërë dhe duhej të kishte një mesazh të vërtetë për të impaktuar realisht ose për të parandaluar çdo lloj si me thënë inkursioni ekonomik rus në rajon ka të bëjë me qasjen që ne kemi dhe me marrëveshjen e “Ballkanit të Hapur”… Që do të thotë se meqenëse Serbia vazhdon të mos ndërmarr sanksione ndaj Rusisë që do të thotë se vazhdon shkëmbimin e mallrave ruse. Falë “Ballkanit të Hapur që i nderuari ynë, kryeministër ka vendosur që ta zbatojë si një model të ri të paqes dhe stabilitetit në rajon, bën të mundur që praktikisht mallrat dhe ekonomia ruse të vijnë në Ballkan dhe madhe të vijnë edhe në Shqipëri”, ka vlerësuar Koka.
Më tej, ai ka thënë se përfshirja e Shqipërisë në “Ballkanin e Hapur” me Serbinë e demanton qeverinë e Edi Ramës si properëndimore.
“Ky është një akt që e dematon qeverinë shqiptare në qëndrimet e saj si properëndimore. Në këtë pikë ne duhet të shkëpusim të gjitha kontaktet me Rusinë”,ka shtuar Koka. /Teve1.info./
