Në njoftimin e AMMK-së thuhet se prania e gjarpërinjve në Parkun e Gërmisë, nuk është shqetësim por pjesë e rëndësishme e biodiversitetit të kësaj zone.
“Masivi malor i Gërmisë paraqet një pasuri natyrore shumë të rëndësishme jo vetëm për Prishtinën me rrethinë por edhe tërë Kosovën. Gërmia është mjaftë e pasur me lloje bimore e shtazore si dhe vlera tjera të ruajtura të biodiversitetit”, thuhet në njoftim.
Në njoftimin e Agjencionit për Mbrojtjen e Mjedisit të Kosovës, thuhet se vizitorët e Parkut të Gërmisë duhet të kenë kujdes jo vetëm nga garpërinjtë por edhe nga gjallesat e tjera.
“Prania e gjarpërinjve nuk duhet të paraqet asnjë shqetësim për vizitorët eventual të Parkut Gërmia, por gjithsesi se secili duhet pasur kujdes që jo vetëm gjarpërinjtë por edhe gjallesat tjera të mos shqetësohen në vendbanimin e tyre natyrorë me qëllim të mos kemi ndonjë ankesë për ndonjë sulm eventual prej tyre me qëllim të vetëmbrojtjes”, thuhet tutje./teve1.info/.
