Kapiteni i Kombëtares së Kosovës, Amir Rrahmani është rikuperuar nga lëndimi që e pësoi javë më parë, dhe pritet të ketë minuta te Napoli kundër Pisas.
Napoli, sot prej orës 20:45 luan në shtëpi ndaj Pisas, ndeshje kjo që e mbyll xhiron e katërt të kampionatit italian.
Mediumet italiane kanë raportuar se Rrahmani është gati për lojë, por mbetet të shihet nëse trajneri Antonio Conte do ta aktivizojë prej minutës së parë apo do ta inkuadrojë në pjesën e dytë.
Rrahmani i ka munguar Napolit në dy ndeshjet e fundit, atë ndaj Fiorentinës në Serie A dhe kundër Manchester Cityt në Ligën e Kampionëve.
31-vjeçari u lëndua në grumbullimin te Kosova, saktësisht në ndeshjen kundër Zvicrës, të cilët “Dardanët” e humbën 4:0 në kuadër të kualifikimeve për Botërorin 2026.
