Sipas sondazheve ekziston një garë shumë e ngushtë midis këtyre dy kandidatëve.
Qytetarët amerikanë sot do të vendosin për presidentin e ri të tyre mes dy kandidatëve, republikanit Donald Trump dhe demokrates Kamala Harris.
Statistikat deri më tani flasin për një garë të ngushtë mes kandidatëve.
Nga Pensilvania, Trump në ditën e fundit të fushatës u tha mbështetësve se ai duhet të kishte qëndruar në Shtëpinë e Bardhë , pavarësisht humbjes së tij në zgjedhjet e vitit 2020.
“Kemi punuar 9 vite. Bëmë një punë shumë të mirë. Ne patëm kufirin më të sigurt në historinë e vendit tonë ditën që u largova”, tha ish-presidenti.
E Harris në mitingun e saj të fundit në Michigan, u zotua të bënte gjithçka që është në dorën e saj për t’i dhënë fund luftës në Gaza.
Ajo tha se synon të kthejë një faqe të re të një politike të cilën ajo e quajti të nxitur nga frika e ndarja.
“Ne kemi mbaruar me këtë dhe jemi të rraskapitur me të. Ne do të fitojmë”, u shpreh Harris.
Kur rezultati i zgjedhjeve amerikane është i ngushtë, sidomos nëse kontestohet në gjykatë, shpallja e fituesit mund të zgjasë me javë, ose më gjatë.
Presidenti i zgjedhur do të inaugurohet të hënën më 20 janar 2025, në ambientet e kompleksit Kapitol – inaugurimi i 60-të presidencial në historinë e SHBA-së.
