Ambasadori i Rusisë në Serbi, Aleksandër Bocan-Kharchenko ka thënë se përkrahja e Komitetit të Ministrave të Këshillit të Evropës për pranimin e Kosovës në këtë organizatë është shpërblim nga Perëndimi “për politikën anti-serbe të kryeministrit Kurti”.
“Përkrahja nga Komiteti i Ministrave të Këshillit të Evropës për aplikimin e Prishtinës për pranim në këtë organizatë është në fakt një shpërblim nga Perëndimi për “kryeministrin” e Kosovës Kurti për politikën e tij anti-serbe. Nuk është rastësi që vendimi është përafruar me “zgjedhjet” e rreme në 4 bashki krahinore”, ka shkruar ai.
“Nuk mendoj se është e nevojshme të dëshmohet se Prishtina po ndjek kursin e SHBA-së dhe BE-së”, shkruan tutje Bocan-Kharchenko, përcjell teve1.info.