Drejtori i përgjithshëm i Policisë së Kosovës, Gazmend Hoxha, së bashku me bashkëpunëtorët e tij, ka pritur në takim zyrtar ambasadorin e Malit të Zi në Prishtinë, Bernard Çobaj.
Siç bëhet e ditur në njoftimin e Policisë, në këtë takim janë diskutuar çështje që lidhen me sigurinë, bashkëpunimin policor dhe forcimin e koordinimit ndërkufitar.
“Me këtë rast gjatë këtij takimi drejtori i Përgjithshëm falënderoi ambasadorin për vizitën si dhe shprehu gatishmërinë e Policisë së Kosovës për t’u angazhuar dhe për të forcuar edhe më tutje bashkëpunimin dhe partneritetin me institucionet e Malit të Zi”, thuhet në njoftim.
