Ambasadori i Gjermanisë në Kosovë, Jorn Rohde, ka përfunduar mandatin e tij pesëvjeçar dhe ka dërguar një mesazh lamtumire përmes një videoje.
“Faleminderit shumë për pesë vitet,” ka thënë fillimisht Rohde, duke shtuar se gjatë qëndrimit të tij në Kosovë ka qenë dëshmitar i shumë zhvillimeve.
Ai ka përmendur disa nga arritjet dhe sfidat gjatë mandatit të tij:“Liberalizimi i vizave në vitin 2024 ishte një arritje e madhe, ka gjithashtu gjëra që nuk janë realizuar, si anëtarësimi i Kosovës në Këshillin e Europës”, ka thënë Rohde.
Ambasadori ka theksuar lidhjet e veçanta midis Kosovës dhe Gjermanisë:
“Lidhjet mes vendeve tona janë unike. Siç e dini, 600 mijë kosovarë ose gjermanë me prejardhje kosovare jetojnë në Gjermani. Ky numër po rritet. Jam i sigurt se lidhjet tona do të vazhdojnë të rriten. Ne do të jemi një partner i madh i Kosovës. Kemi qenë një partner i madh që nga pavarësia,” ka shtuar Rohde.
Ai gjithashtu ka ftuar qytetarët e Kosovës të mirëpresin pasardhësin e tij, Rainer Rudolph, i cili pritet të marrë detyrën së shpejti:
“Do të doja t’ju lutesha që t’ia zgjasni mirësinë dhe miqësinë tuaj edhe pasardhësit tim. Si dhe, për të qëndruar në gjuhën e futbollit, unë së shpejti do t’ia kaloj topin atij,” ka thënë ambasadori.
Thank you for five wonderful years and don’t forget to keep the ball rolling.
— Ambassador Jörn Rohde (@pristina.diplo.de) September 26, 2025 at 9:42 AM
