Ambasadori i Bashkimit Evropian në Prishtinë, Tomas Szunyog, ka qëndruar për vizitë te Asociacioni i Gazetarëve të Kosovës në Ditën Botërore të Lirisë së Shtypit.
Ai tha se gjatë takimit ka theksuar rolin vendimtar të mediave të lira dhe të pavarura në aftësimin e publikut për të marrë vendime dhe për t’i mbajtur përgjegjës ata që janë në pushtet.
“Theksoi imperativin e heqjes së barrierave që mund të pengojnë lirinë e medias dhe shprehu shqetësimin për numrin në rritje të sulmeve fizike, kërcënimeve, fushatave të shpifjeve publike dhe gjuhës së urrejtjes drejtuar gazetarëve, veçanërisht gjatë raportimit të vitit 2023 nga veriu i Kosovës “, ka shkruar ai në “X”.
Tutje tha se gjatë takimit kanë biseduar edhe për rëndësinë e verifikimit të fakteve në zbutjen e ndikimit negativ të dezinformatave dhe projektligjin për Komisionin e Pavarur të Mediave, të cilin po e ndjekim me vëmendje. Së fundi, përgëzova Shoqatën për mbështetjen e tyre ndaj gazetarëve ukrainas dhe afganë.
