Pas diskutimit për Asociacionin më 31 janar në Ambasadën e ShBA-në ku morën pjesë përfaqësues nga politika e shoqërisë civile, një takim tjetër do organizohet për të lehtesuar diskutimin e mëtejshëm për këtë çështje.
Ambasada në një përgjigje për teve1.info ka bërë të ditur se ambasadori do ta thërrasë një takim joformal për këtë çështje.
“Pas diskutimit produktiv më 31 janar me një gamë të gjerë palësh të interesuara në Ambasadën e SHBA-së, Ambasadori do të thërrasë një takim jozyrtar në rezidencën e tij për të lehtësuar diskutimin e mëtejshëm. Nuk ka asnjë program zyrtar apo temë diskutimi”, thuhet në përgjigjen e Ambasadës për teve1.info.
Data se kur do të mbahet ky takim nuk është bërë e ditur.
Ndryshe, sa i përket Asociacionit, kryeministri Kurti ka paraqitur 6 kushte në mënyrë që ta themelojë atë. Ai po ashtu ka pranuar propozimin evropian i cili parasheh implementimin e të gjitha marrëveshjeve të nënshkruara. Kjo është pritur pozitivisht nga Ambasada e ShBA-së.
