Ambasadori i Gjermanisë në Kosovë, Jorn Rohde i ka shprehur mirënjohje Kuvendit për ratifikimin e shpejtë të tri marrëveshjeve ndërkombëtare që derivojnë nga Procesi i Berlinit.
Rohde ka shkruar se këto marrëveshje do të sjellin përfitime konkrete për qytetarët
Mirënjohje Kuvendit të Kosovës që ratifikoi kaq shpejt tre marrëveshjet e mobilitetit. Ato do të sjellin përfitime konkrete për qytetarët e Kosovës, do të nxisin masivisht integrimin rajonal të 6 vendeve të Ballkanit Perëndimor dhe do t’i sjellin ata një hap më afër BE-së. Procesi i Berlinit po tregon rezultate”, ka shkruar Rohde.
Kuvendi i Kosovës ka ratifikuar të enjten Marrëveshjen për lëvizjen e lirë me letërnjoftime në Ballkanin Perëndimor. Po ashtu janë ratifikuar edhe marrëveshja për njohjen e kualifikimeve të arsimit të lartë dhe ajo për njohjen e kualifikimeve profesionale të mjekëve, dentistëve dhe arkitektëve.
Kudos to the Kosovar Parliament for ratifying the three mobility agreements so quickly. They will bring concrete benefits for KOS citizens, massively foster the regional integration of WEB6 and bring them one step closer to the EU. #BerlinProcess is showing results!
— Ambassador Jörn Rohde (@GermanAmbKOS) February 23, 2023
