Ambasadori i Mbretërisë së Bashkuar në Kosovë, Jonathan Hargreaves ka mirëpritur zgjedhjen e kryetarit të ri të Kuvendit, Dimal Basha.
Hargreaves u ka bërë thirrje partive politike të Kosovës që të ndërmarrin hapat e mëtejshëm shpejt për të përfunduar formimin e Kuvendit dhe të një qeverie të re.
“Zgjedhja e një Kryetari të Kuvendit është një përparim i mirëpritur dhe tregon se kompromisi politik në interes të vendit është i mundur nëse ekziston vullneti. I bëj thirrje partive të Kosovës që të ndërmarrin hapat e mëtejshëm shpejt për të përfunduar formimin e Kuvendit dhe të një qeverie të re”, ka shkruar ai në Facebook./teve1.info/
