Avokati i Popullit, Naim Qelaj, ka takuar Ambasadorët e QUINT-it pranë OSBE-se në Vjenë, me të cilët ka diskutuar për të drejtat e njeriut, raporton teve1.info
Përmes një postimi në Facebook, Institucioni i Avokatit të Popullit ka njoftuar se u diskutua për të drejtat e komuniteteve pakicë, pozitën e gruas në shoqëri dhe dhunën në familje.
“Avokati i Popullit, z. Naim Qelaj foli për gjendjen e të drejtave në vend, zhvillimet dhe sfidat në këtë drejtim, si dhe për punën dhe aktivitetet e IAP-së. Ai diskutoi edhe për çështjen e të drejtave të komuniteteve pakicë, pozitën e gruas në shoqëri, dhe dhunën në familje.
Ai po ashtu i njoftoi Ambasadorët për punën që po bënë IAP në luftimin e gjuhës së urrejtjes dhe krimeve nga urrejtja, gjë që theksoi edhe bashkëpunimin e thellë me misionin e OSBE-së në Kosovë”, thuhet në njoftimin e IAP-së.
Sipas komunikatës, në këtë takim mori pjesë Ambasadori Italian, Stefano Baldi, Ambasadori i Mbretërisë së Bashkuar, Neil Bush, Ambasadorja Franceze, Christine Fages dhe Ambasadorja gjermane, Gesa Brautigam.
