Ministri i Jashtëm i Çekisë, Jan Lipavsky përmes një njoftimi për media, ka thënë se sot është marrë një hap i rëndësishëm për udhëtim pa viza për Kosovën.
Ai shpreson se pas kësaj të arrijnë marrëveshje me Parlamentin Evropian për ta bërë realitet këtë premtim, raporton Teve1.info
“Sot kemi marrë një hap të rëndësishëm para për udhëtim pa viza për Kosovën dhe tash shpresojmë të arrijmë marrëveshje me Parlamentin Evropian për ta bërë realitet këtë premtim. Liberalizimi i vizave është bërë i mundshëm për shkak të përpjekjeve të Kosovës për të forcuar kontrollet e saj kufitare, menaxhimin e migrimit dhe sigurinë, dhe besojmë se ky bashkëpunim i mirë vetëm se do të forcohet në të ardhmen”, ka thënë Jan Lipavsky, në njoftimin e publikuar në uebfaqen e Këshillit Evropian.
Drafti ua mundëson qytetarëve me pasaporta të Kosovës të udhëtojnë pa viza drejt BE-së për 90 ditë në periudhë gjashtëmuajshe. Liberalizimi i vizave do të nisë në datën e nisjes së sistemit ETIAS dhe në asnjë rast më larg se 1 janari 2024.
Vendimi i ambasadorëve për të çuar përpara procesin e liberalizimit të vizave për Kosovën ishte paraparë që të merrej javën e kaluar, por ky vendim u hoq nga rendi i ditës për shkak të situatës së tensionuar në veri për targat. /Teve1.info/
