Ambasada e Shteteve të Bashkuara të Amerikës në Shqipëri, ka njoftuar se pavarësisht dhënies së vizave për të udhëtuar në Amerikë, kontrolli do të jetë i vazhdueshëm me qëllim garantimin e sigurisë dhe integritetit.
Në njoftimin e kësaj ambasade thuhet se “Departamenti i Shtetit i ShBA-së është i përkushtuar ta Bëjë Amerikën më të Sigurt përmes politikave më kërkuese”.
Tutje në këtë njoftim theksohet se kontrolli i vazhdueshëm i vizave për të gjithë individët, është një masë thelbësore.
“Kontrolli i vizave amerikane nuk ndalon pas lëshimit të vizës. Ne i kontrollojmë vazhdimisht mbajtësit e vizave për t’u siguruar që ata ndjekin të gjitha ligjet dhe rregullat e emigracionit të ShBA dhe ne do t’ua heqim vizat dhe do t’i dëbojmë nëse nuk e bëjnë këtë”, thekson ambasada./teve1.info/
