Në lidhje me këtë ka reaguar edhe ambasada e Kosovës në Paris, duke thënë se kjo po ndodh për shkaqe të problemeve teknike.
Nga ambasada kanë thënë se sistemi i aplikimit për pasaporta dhe letërnjoftime nga dita e marte e deri tani është jashtë funksionit. Sipas tyre ekipet e IT-së në MBP janë duke punuar ta rikthejnë sistemin.
“Duke kërkuar mirëkuptimin tuaj, ju njoftojmë se për shkaqe të problemeve teknike, sistemi i aplikimit për pasaporta dhe letërnjoftime nga data 15.03.2022 dhe deri në këto momente është jashtë funksionit. Ekipet e IT-së në MPB janë duke punuar që ta rikthejnë sistemin e aplikimit për pasaporta dhe letërnjoftime në funksion sa më shpejtë që është e mundur”, thuhet në njoftim.
Kjo ambasadë ka thënë se të gjitha takimet e parapara për këtë javë do të anulohen.
“Si pasojë, të gjitha takimet e parapara për këtë javë, anulohen. Personat të cilëve u është anuluar takimi do të kontaktohen nga stafi jonë. Shërbimet e gjendjes civile si dhe shërbimet tjera duke përjashtuar vetëm aplikimin për pasaporta dhe letërnjoftime janë duke funksionuar normalisht”, është bërë e ditur në njoftimin e Ambasadës së Kosovës në Paris. /teve1.info/
Lexo edhe
https://teve1.info/top-article-1/web-faqet-e-ambasadave-dhe-konsullatave-te-kosoves-qe-nje-jave-jashte-funksionit/