KQZ-ja vendosi të hënën për të mos e certifikuar Listën Serbe.
Për këtë ambasada e Italisë në Kosovë ka shprehur shqetësimin lidhur me vendimin të cilin e kanë quajtur politik.
“Shprehim shqetësimin tonë lidhur me vendimin politik të marrë nga KQZ-ja për të mos i certifikuar kandidatët e Listës Serbe për zgjedhjet e ardhshme. Ne besojmë se sundimi i ligjit do të udhëheqë edhe njëherë veprimet e këtij institucioni jetik, që është përgjegjës për mbrojtjen e të drejtave politike të të gjithë qytetarëve të Republikës së Kosovë”, thuhet në reagimin e Ambasadës së Italisë në Kosovë.
