Ambasada e SHBA-së në Kosovë ka shprehur ngushëllime për vdekjen e Haxhi Thaçit, babit të ish-presidentit Thaçi.
Në telegram ngushëllimi thuhet se “uroj që të gjeni forcë dhe ngushëllim në kujtimet që keni ndarë dhe në mbështetjen e atyre që ju rrethojnë”.
Haxhi Thaçi është varrosur të martën në fshatin Burojë të Skenderajt, në prani në një numri të madh të qytetarëve nga të gjitha trevat ku jetojnë shqiptarët.
Në ceremoninë e varrimit të Haxhi Thaçit morën pjesë personalitete të njohura politike e ish-pjesëtarë të UÇK-së, por jo edhe ish-presidenti Thaçi, i cili ndodhet në paraburgim në Hagë
Telegrami i ngushëllimit i plotë:
Ambasada e Shteteve të Bashkuara të Amerikës
Prishtinë, Kosovë
18 mars 2025
Familja Thaçi
Fshati Burojë, Komuna e Skenderajt
Republika e Kosovës
Për familjen e Haxhi Thaçit:
Në emër të Ambasadës së SHBA-së në Prishtinë, dëshiroj të shpreh ngushëllimet e mia për ndarjen nga jeta të Haxhi Thaçit. Ne e kuptojmë humbjen e thellë për të gjithë ju, dhe duam t’ju shprehim ngushëllimet tona të sinqerta gjatë kësaj kohe të vështirë.
Uroj që të gjeni forcë dhe ngushëllim në kujtimet që keni ndarë dhe në mbështetjen e atyre që ju rrethojnë. Ju lutemi, pranoni ngushëllimet tona të sinqerta dhe dijeni se mendimet tona janë me ju dhe të dashurit tuaj.
