Në reagim thuhet se ambasada pret me padurim të shohin Kosovën të arrijë zgjidhje moderne të energjisë për të mirën e qytetarëve të Kosovës.
“Kosova dhe SHBA-ja nënshkruan dje një Korporatë të përbashkët të Sfidës së Mijëvjeçarit – MCC Compact, me vlerë mbi 236 milionë dollarë. Urime të gjithë të përfshirëve! Përmes partneritetit tonë, ne presim me padurim ta shohim Kosovën të arrijë zgjidhje moderne, të energjisë së pastër për të mirën e të gjithë qytetarëve të Kosovës”, thuhet në reagim.
Programi Kompakt do të jetë investimi më i madh në sektorin e energjisë në Republikën e Kosovës, në vlerë prej 236.7 milionë dollarëve. Investimet e programit Kompakt do të jenë pronë e Kosovës, dhe shënojnë njërin nga bashkëpunimet më të rëndësishme ndërmjet Republikës së Kosovës dhe Shteteve të Bashkuara të Amerikës.
Programi do të përfshijë tri projekte: rezerva dhe arbitrazh të energjisë (bateritë me kapacitet 170 Mw, që ofrojnë rezervë 340 Mwh); zhvillimi i fuqisë punëtore dhe përfshirja e grave në sektor të energjisë, dhe Projekti i Institucionit Amerikan të Katalizatorit për Zhvillim. /Teve1.info/
