Ndihmës-sekretari i Departamentit të Shtetit, Brendan Hanrahan, do ta vizitojë Kosovën brenda kësaj jave.
Kështu kanë bërë të ditur për Tëvë1 nga ambasada amerikane, ku kanë njoftuar se Brendan Hanrahan do të takohet me zyrtarë qeveritarë, udhëheqës të opozitës dhe përfaqësues të bizneseve.
“Zyrtari i Lartë i Byrosë (SBO) për Çështjet Evropiane dhe Euroaziatike Brendan Hanrahan do të vizitojë Kosovën këtë javë për konsultime me zyrtarë qeveritarë, udhëheqës të opozitës dhe përfaqësues të biznesit. Ne mezi presim të mirëpresim SBO Hanrahan për vizitën e tij të parë në Kosovë”, thuhet në përgjigje për Tëvë1.
Ambasada amerikane ka bërë të ditur se Brendan Hanrahan është zyrtari i lartë përgjegjës për politikën evropiane dhe euroaziatike.
Hanrahan gjithashtu do ta vizitojë edhe Bonjë-Hercegovinën dhe Serbinë./teve1.info/
Ndihmës Sekretari i Shtetit, Brendan Hanrahan do të vizitojë Kosovën
