Familja e Amar Behlulit, një vjeçarit nga Drenasi kërkon ndihmën e njerëzve vullnet mirë. Kjo pasi sipas familjes operimi nuk kryhet në Kosovë, ndërsa nuk kanë para për ta trajtuar në Turqi. Ai vuan nga astma, ka damar të dëmtuar të syrit dhe nuk dëgjon mirë.
Ani pse ka disa muaj që ka mbushur një vit, Amar Behluli përballet me probleme shëndetësore.
Sipas të ëmës, Zyrafete Behlulit, që nga lindja i biri është përballur me probleme në shikim.
“Masi ka lind djali e kam vërejtë që synin se ka çelë edhe motrat më kanë thënë që ka diçka problem me sy. Unë kam qenë me mërzi, nuk kam hangër, nuk kam pi”, shprehet Behluli
E përveç kësaj, djali i vogël nga Drenasi nuk dëgjon mirë si dhe vuan edhe nga astma.
“Prej që ka lind ky unë gjithë nëpër mjek, nëpër spitale se ky është edhe pak i bllokuar në frymëmarrje, e ka një pompë e përdor, nga astma vuan. E gjithë nëpër mjek me të, tash veç syve unë e kam vërejtë që ky edhe nuk nin, gjithë më kanë thanë njerëzit që ky fëmijë nuk nin, unë kam thanë nin, kur e kam çu te mjeku për sy, më kanë thënë që nuk nin djali edhe e ka damarin e bllokum të syrit, qajo i ndikon krejt”, thotë nëna e tij.
E për trajtimin e tij, familja kërkon ndihmë.
Kjo pasi, siç thotë Behluli, operimi nuk mund të bëhet në Kosovë.
Derisa tregon se ditët e netët për të janë shumë të vështira.
Kjo pasi 39 vjeçarja para pak kohësh humbi edhe vajzën e vogël nga sëmundja e kancerit.
“Ditët e mia kanë qenë të vështira se gjithmonë u mërzitsha për të, niher ra çika tani djali gjithë smut smut t’u e çu nëpër mjek, t’u nga me të. Duhet me çu nëse i bëjmë kushtet, duhet me çu prap në Turqi me operu se këtu na kanë thënë që nuk operohet ky operacion. Për krejt njerëzit i kisha lutë që me na ndihmu me çu djalin në Turqi me shëru, me bo operacion prej syve”, shprehet Behluli.
Behluli përveç Amarit ka edhe një djal tjetër katër vjeçar.
Për t’i ardhur në ndihmë kësaj familjeje, numri kontaktues është si vijon: 049461326.
