Aktorja amerikane Amanda Seyfried ka thyer tabutë e Hollywood, duke deklaruar se fitimi i një çmimi Oscar nuk është një përparësi për të.
Në një intervistë të fundit me “The New Yorker”, Seyfried theksoi se ka ndërtuar një karrierë të suksesshme dhe me ndikim edhe pa çmimin më të madh të industrisë së filmit.
“A e mbani mend kush ka fituar në dhjetë vitet e fundit? Nuk është fitorja që ka rëndësi. Është nominimi që lë gjurmë dhe të shtyn përpara A do të ishte mirë të fitonit? Sigurisht, por nuk është e domosdoshme”, tha ajo.
Aktorja shtoi se jetëgjatësia në karrierë vjen nga zgjedhjet e menduara mirë.
“Jetëgjatësia ka të bëjë me të krijuar art të qëllimshëm midis projekteve të mëdha komerciale që janë argëtuese dhe fitimprurëse”, tha Seyfried.
Edhe pse ende nuk ka fituar një Oscar, ajo u nominua në vitin 2021 për aktoren më të mirë mbështetëse për rolin e saj në filmin “Mank”.
Premierat e fundit, përfshirë “The Testament of Ann Lee”, i kanë sjellë nominime për Golden Globes dhe Critics’ Choice Awards, duke e vendosur në qendër të spekulimeve për një tjetër nominim Oscar.
Seyfried thekson se edhe pa çmime të mëdha, ndihet e realizuar dhe e konsoliduar në industrinë e filmit.
“Të gjithë kemi ulje-ngritje në karrierën tonë, por unë jam e qëndrueshme në zgjedhjet dhe vlerat e mia”, tha ajo.
Aktorja përmendi gjithashtu se pozicioni i saj financiar është i qëndrueshëm falë suksesit të filmit “The Maid”, edhe pse jo të gjitha projektet e saj kanë qenë hite të mëdha në biletari.
