Nikqi ka thënë se veprimi është kryer nga i dyshuari F.B., teksa tha se do të flasë për situatën pasi Gjykata të marrë vendimin e plotfuqishëm.
“Shokë e shoqe, po ju njoftoj për një rast i cili me ka tmerruar plotësisht! Me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer me paramendim nga personi F.B., anëtarë i një familje të njohur në qytetin e Pejës. Si pasojë e kësaj situate, për momentin jam në gjendje të rëndë emocionale dhe nuk mund të deklarohem në tërësi. Pas vendimit të plotfuqishëm të Gjykatës do të ju njoftoj për rrjedhën e situatës dhe sulmuesin e paskrupullt. Në videon e bashkangjitur, e gjykoni vetë këtë gjest të shëmtuar, viktimë e të cilit ka mundur të jetë çdo familjarë i juaji”, ka shkruar ajo në Facebook.
Në videon e publikuar nga Nikqi shihet momenti i sulmit, teksa viktima i shmanget sulmuesit.
Ndërkaq, Prokuroria Themelore në Pejë sot ka njoftuar se në bashkëpunim me Policinë e Kosovës, ka identifikuar dhe arrestuar një person të dyshuar për sulm seksual në Pejë. Sipas njoftimit, pas identifikimit, i njëjti me urdhër të Prokurorit të Shtetit është arrestuar dhe ndaluar për 48 orë, nën dyshimin se ka kryer veprën penale “Sulmi seksual”. /teve1.info/
