Ministri i Mjedisit, Planifikimit Hapësinor dhe Infrastrukturës Liburn Aliu, tha se ka qenë gabim animi i Qeverisë së Kosovës për një parti politike për zgjedhjet në Luginë të Preshevës.
Madje, ai tha se nuk mund të rri neutral për faktin se vet vjen nga Lugina.
“Nuk po mund të rri neutral në këtë pikë pasi që jam me origjinë nga Presheva, pavarësisht orientimit dhe simpatisë personale, po mendoj se kjo ka qenë gabim dhe veprim i gabueshëm”, tha ministri Aliu.
Ai po ashtu tha se ka qenë edhe gabim që kryeministri Kurti ka marrë pjesë në një tubim elektoral me një parti politike të caktuar nga Lugina e Preshevës, pasi që siç shprehet ai, kryeministri Kurti duhet të jetë përbashkues.
“Ky ka qenë gabim dhe ky duhet të rregullohet sa më parë”, theksoi ai. /RTK/
