Kryetari i Komunës së Ferizajt, Agim Aliu ka reaguar për rastin e sotëm ku mbeti e vrarë një grua nga ish-bashkëshorti dhe u plagos një burrë.
Aliu ka njoftuar se viktimat janë motër e vëlla.
“Viktima dhe dorasi po merrnin shërbime pranë Qendrës për Punë Sociale në Ferizaj, derisa dorasi ka shtënë mbi viktimën dhe vëllain e saj si dhe ka kërcënuar me armë edhe punonjësen e këtij institucioni”, ka shkruar ai në Facebook.
Ndërkohë, Policia ka njoftuar se i dyshuari pasi ka shtënë me armë zjarri është larguar në drejtim të panjohur, i cili më pas është arrestuar.
