Ministri i Mjedisit, Planifikimit Hapësinor dhe Infrastrukturës, Liburn Aliu, ka njoftuar se ka nënshkruar marrëveshje me 4 komuna për nisjen e projektit për banimin e përballueshëm dhe social.
Aliu, ka treguar se komunat me të cilat kanë nënshkruar deri tani janë komuna e Gjilanit, Podujevës, Pejës dhe Kamenicës, ndërsa edhe 13 komuna tjera janë në proces të nënshkrimit.
“Po ashtu, për komunat që nuk kanë aplikuar shumë shpejt do të hapim edhe thirrjen e dytë. Hap pas hapi drejt realizimit të edhe një prej zotimeve tona”, ka shkruar ministri Aliu në Facebook.
Ndryshe, thirrja për aplikim për gjithë komunat e Republikës së Kosovës për banimin e përballueshëm dhe social, është hapur në shkurt të këtij viti./teve1.info/
