Ministri i Infrastrukurës, Liburn Aliu ka njoftuar rreth vizitës së tij të sotme në komunën e Leposaviçit ku u takua me kryetarin e kësaj komune Lulzim Hetemi.
Aliu në Facebook tha se me kryetarin Hetemi kanë biseduar “për bashkëpunimin e ndërsjellë në realizimin e projekteve që do të kontribuojnë në zhvillim ekonomik për të gjithë qytetarët, respektivisht për projekte infrastrukturore në komunë, me ç’rast i ofruam mbështetje të parezervë”.
Teksa tha se e ka falënderuar Hetemin për qëndresën e tij për Republikën e Kosovës.
“E falënderoj Kryetarin Lulzim Hetemi nga zemra për qëndresën e tij shembullore për Republikën e Kosovës, si dhe Policinë e Kosovës për disiplinën dhe profesionalizmin e pashembullt që po e tregojnë për çdo ditë”, tha ai./teve1.info./