Ai tha se Komuna ka qenë e drejtuar nga një qeverisje gjysmëfeudale dhe një kryetar i cili sipas tij, i ka dhënë të drejtë vetes për shkak të jetëgjatësisë së tij.
Aliu në “InfoNata” tha se për të pasur një vend pune në Komunën e Shtimes është dashur që kandidatët të jenë të afërt politikisht me partinë që ishte në pushtet, Partinë Demokratike të Kosovës, apo me kryetarin e atëhershëm, Naim Ismajli.
“Në Komunën e Shtimes ka qenë një qeverisje dhe një kryetar gjysmëfeudal, i cili për shkak të jetëgjatësisë së tij i ka dhënë të drejtë vetes dhe pothuajse çdo segment i jetës institucionale ka qenë i politizuar. Për të marrë një vend pune në çdo sektor e sidomos në administratë por edhe në shëndetësi e arsim është dashtë me qenë i afërt politikisht me partinë në pushtet ose me ish-kryetarin”, tha ai.
I pari i Shtimes theksoi se me ardhjen në pushtet të Lëvizjes Vetëvendosje në këtë komunë, ka filluar të implememtohet programi i tyre ku sipas tij, meritokracia, barazia dhe drejtësia do të jenë tri parimet mbi të cilat ai si kryetar do të qeverisë me Komunën./teve1.info/.
