Pritja është organizuar me nderimet më të larta shtetërore.
Kështu, ministri i mbrojtjes Ejup Maqedonci nisi takimin me homologun e tij nga Shqipëria, Pirro Vengu.
Përveç Maqedoncit, Vengu po pret në Tiranë edhe një mysafir tjetër të veçantë. Ministrin e mbrojtjes së Kroacisë, Ivan Anushiq.
Të tre homologët nënshkruajtën një deklaratë të rëndësishme të martën.
Maqedonci, Vengu dhe Anushiq u dakorduan për të fuqizuar bashkëpunimin në aspektin e mbrojtjes.
“Synimi i këtij bashkëpunimi nuk është rast kërcënimi për askënd, është mesazh për ata që synojnë të kërcënojnë rajonin, ne u tregojmë që jemi së bashku dhe nuk do te lejojmë qe askush të destabilizon rajonin. Falënderoj ministrin e Shqipërisë dhe Kroacisë për ketë nismë, vlerësoj se kjo marrëveshje është e para trilaterale ne rajon”, tha ministri Maqedonci.
Dokumenti përfshin operacione të përbashkëta ushtarake, trajnime si dhe bashkëpunime të tjera.
Marrëveshja, sipas ministrit të Shqipërisë Pirro Vengu do t’i ndihmoj edhe Kosovës për t’u bërë pjesë e kartës veri-atlantike.
“Ështe një deklaratë që së pari hap një bashkëpunim më të thelluar dhe të tre në fakt kemi marrë nga partnerët dhe aleatë të ndryshëm edhe interesim, për aleatët e tjerë që t’i bashkohen kësaj iniciative sepse si dy vende anëtare të NATO-s që kanë edhe një interes dhe një mbështetje të posacme ndaj Kosovës si një shtet i pavarur dhe që kontribon tashmë në sigurinë e mbarë rajonit, jam i gëzuar që arritëm ta konkretizojmë këtë bashkëpunim”, tha minsitri Vengu.
Bashkimin e shumë shteteve të tjera në këtë nismë, e konfirmoi edhe zëvendëskryeministri dhe ministri i mbrojtjes së Kroacisë, Ivan Aushiq.
“Është e rendesishme ne jemi shtetet që jemi miqësor prej shume vitesh nga pjesa e pavarësisë së Kroacisë dhe Kosovës, dhe marrëdhinet tona janë miqësore pastaj janë në nivele shumë të larta dhe jemi aleatë. Duke na përfshirë ne si tri shtete janë edhe shumë shtete që deshirojnë ti bashkohen deklaratës sonë që e kemi firmosur. Qëllimi ynë është që të përforcojmë shtetin tonë në mënyrë të mbrojtjes dhe si pjesë e NATO-s dhe Bashkimit Evropian, dhe të ndihmojmë Kosovën dhe Shqipërinë të hyjne në NATO dh BE. Dhe, patjeter të jemi dikush që bashkëpunojmë në të gjitha nivelet dhe në këtë rast që kanë të bëjnë me sigurinë”, u shpreh ministry kroat.
Marrëveshja e nënshkruar sot, u cilësua si e para e llojit të tillë e realizuar në vendet e rajonit.
