Viti 2025, vjen me një ndryshim për sulmuesin e Sparta Pragës, Albion Rrahmani.
Reprezentuesi i Kombëtares së Kosovës, nuk do ta mbajë më fanellën me numrin 10-të, pasi nga ky vit, Rrahmani do ta ketë fanellën me numrin 9.
Për ndryshimin e numrit në fanellë të Rrahmanit, ka njoftuar edhe skuadra nga Çekia.
Kështu, Rrahmani kalon në numrin tij të preferuar në fanellë, të cilin e ka bartur edhe te Ballkani i Suharekës dhe Rapidi i Bukureshtit.
Rrahmani u transferua te Sparta para fillimit të sezonit aktual, por numri 9-të ishte i sulmuesit Jan Kuchta, i cili tashmë është larguar nga ekipi për t’u transferuar në Danimarkë.
Rrahmani këtë sezon ka shënuar 8 gola dhe ka bërë 3 asistime në të gjitha garat për Spartën, ndërsa aktualisht po rikuperohet nga lëndimi që e ka marrë në fazën përgatitore, të cilin ekipi i tij po e kryen në Spanjë.
