Është e sigurt se ai do ta formon një qeveri të pakicës, megjithëse po vazhdon numërimi i votave të zgjedhjeve parlamentare, raporton cnn.
Partitë kanë nevojë për një shumicë prej 76 vendesh për të formuar një qeveri të shumicës. Laburistët aktualisht kanë siguruar 72 vende, sipas Komisionit Zgjedhor australian.
Ndërkohë, Albanese shërbeu si ministër në qeverinë e mëparshme laburiste nën kryeministrat Kevin Rudd dhe Julia Gillard, përpara se të merrte postin e liderit të partisë pas humbjes më të fundit të partisë në zgjedhjet e vitit 2019.
Në vend të një konkurrence politikash, këto zgjedhje u fokusuan në karakterin e liderëve, Morrison është përballur me akuzat për pandershmëri edhe nga presidenti francez, Emmanuel Macron.
Ndërkohë, Albanese ka marr nofkën e kantierit pasi si kryefjalë e kishte “ndërtimin”.
“Nëse zgjidhem Kryeministër, do të ndërtoj gjëra në këtë vend”, kishte premtuar gjatë fushatës elektorale.59-vjeçari do të bëhet kryeministri i parë i vendit që nuk ka prejardhje anglo-kelte, gjegjësisht babanë e ka nga Italia.
Si një nga politikanët më jetëgjatë të Australisë, ai thotë se është koha që parlamenti të reflektojë për “Australinë moderne”.
Ai ka fituar një reputacion si mbrojtës i sistemit të kujdesit shëndetësor falas për australianët, një avokat i komunitetit LGBT dhe si tifoz i pasionuar i regbit.
